Guddiga doorashooyinka dalka Brazil ayaa shaaca ka qaaday in wareegii koowaad ee doorashooyinkii ay ku guuleystay haweenayda u tartamaysa xisbiga shaqaalaha balse aysan helin codadkii loo baahnaa oo ahaa %51 taasi oo ka dhigaysa in wareeg labaad la qabto bishan dabayaaqadeeda.

Haweenadan oo lagu magacaabo Dalima Rossef ayaa u baahan in ay hesho boqolkiiba afar si ay u xaqiijiso heerka la doonayey in uu ku soo afjarmo wareega koowaad doorashooyinka ee ay ka qeyb galeen 136 malyuun oo codbixiyaal.

Musharixii ku guuleystaa doorashada ayaa xilka kala wareegaya madaxweynaha haatan haya talada dalka Brazil Luula Di Silva.

Dadka ka faalooda arrimaha siyaasadda ayaa sheegaya in haweenaydaan ay ka faa’ideysatay shacbiyada madaxweyne Silva iyo koboca dhaqaale ee dalka Brazil.

Iyadoo codkeeda ka dhiibanaysa doorashooyinka dalka Brazil ayey u sheegtay warfidiyeenada in ay aaminsan tahay in doorashooyinkan ay ku guuleysan doonto.

Dhanka kale madaxweynaha dalka brazil oo ah qof dustuurka uu kamamnuucayo in mar saddexaad uu isu soo taago doorashooyinka ayaa sheegay in uu aaminsan yahay in haweenayda u tartamaysa xisbiga shaqaalaha ay ku guulaysan doonto doorashooyinka madaxtnimo ee dalka brazil.

Wxaa xusid mudan in Dalima Rossef oo ah 62 jir ay ka soo qabatay xilala sare maamulka hadda talada dalka Brazil shantii sano ee la soo dhaafay , waxayna ka soo horjeeday nidaamkii melateri-ga ee ka talin jirey dalka Brazil toddobaatameeyadii qarnigii la soo dhaafay.

Rossef ayaa kula tartamaysa kursiga ninka lagu magcaabo Joosee Seyra oo 68 jir ah islamarkaana la soo shaqeeyey xukuumaddii uu madaxda ka ahaa Fernando Hernandez, waxaana tartan doorasho uga adkaaday madaxweynaha haatan haya talada dalka Brazil sanadii 2002

BACK TO HOME

FG: hadaba si aad ugu qeyb qaadatid dhismaha masjidka Jaamaca Baydhabo waxaad ugu hagaajin kartaa wixii qarashaad ah.

Dahabshii = D0009350
Bakaal=BA1003
Amal = 0508-04-45721-1001

Fiiro gaar ah: Gololey waxay soo dhoweyneysaa aragtidaada, mar walbana Aragtidaada waa Muhiim.