QODOBKA 3aad:

Xarunta xisbiga

Xarunta xisbiga si ku meel gaar ah waa Manchester ee dalka Ingriska.

QODOBKA 4aad:

Xubinimada xisbiga

Waxaa xisbiga xubin ka noqon kara muwaadan kasto oo u dhashay Gobolada konfur Galbed Somalia oo da’diisu gaartay 15 sanadood oo aaminsan mabaadi’da xisbiga, kuna dhaqma xeerarkiisa.

Aqbalaada codsiga xubinimada waxaa leh guddiga degmada uu ku nool yahay. Xubin kasta waxay bixinaysaa ishtiraak joogta ah bisha oo  qaddarkiisa goydoono Guddiga joogtada ah ee Xisbiga. Qofkii aan awoodi karin waxaa dhaafi kara guddiga degmada.

QODABKA 5aad:

XUQUUQDA IYO WAAJIBAADKA XUBINTA

Xubinta waxay xaq u leedahay inay ka qayb qaadato Hawlaha maamul iyo siyaasadeed ee xisbiga, waxaana ku waajib ah inuu ilaaliyo ujeedooyinka iyo xeerarka xisbiga, dhawrana Dastuurka iyo Xeerarka u degan  Dowladda Federalka Soomaaliyeed.

QODOBKA 6aad:

QAABDHISMEEDKA XISBIGA

1.    SHIRWAYNAHA XISBIGA ee Gobolada.

2.    HOGAANKA XISBIGA  ee Gobolada.

3.    QAABDHISMEEDKA XISBIGA ee Degmooyinka.

QODOBKA 7aad:

Shirwaynaha xisbiga

1.    Shiwaynaha Xisbiga waa hay’adda ugu saraysa xisbiga, waxaana la qabanayaa shantii sano (5) mar. Waxaa isugu yeeraayo Gudoomiyaha xisbiga.Hadii mudada shirwaynuhu uu dhamaato, Gudoomiyaha gudan-waayo waajibkiisa waxaa soo jeedinaya 31 xubnood oo ka mid ah golaha dhexe, waxaana lagu ansixinayaa cod hal dheeri ah ee G/Dhexe. Hadii loo bahdo Shirwayne aan caadi ahayn waxaa loo maraya dariiqa kor ku xusan. Shirwaynaha waxaa soo diyaarinaya guddi qabanqaabo oo ay soo magacaabeen Guddiga Fulinta, lagana ansixiyay G/Joogtada ah.Shirwaynuhu wuxuu iska dhex-dooranaya SHIRGUDOON (9 xubnood) oo daadihisa hawl maalmeedka Shirwaynaha, kuwaasoo ka koobnaanaya Gudoomiye (1), G/ku xigeenno (2), iyo (6) xubnood

2.    Tirada guud iyo saamiga ergooyinka cod-bixiyaasha shirwaynuhu ee deegmooyinka waxaa soo jeedinaya Guddiga Qabanqaabada, waxaana ansixinaaya Guddiga Joogtada ah.Tirada guud waxay ka koobnaanaysaa xubnaha Golaha Dhexe iyo xubno laga soo doortay Degmooyinka Gobolada Konfur Galbeed  iyo Dibaddaba.

3.    Awooda shirwaynuhu waa inuu dajiyo Xeerka Xisbiga iyo inuu soo qadimo barnaamijka siyaasadeed ee Xisbiga, islamarkaana uu doorto Xubnaha Dhexe, Gudoomiyaha Xisbiga iyo Ku/xigeenadiisa (2), ku waasoo mudada xilkoodu yahay (5) sano.

QODOBKA 8aad:

Qaabka doorashada Shirwaynaha ee Golaha dhexe

Musharaxnimada jagada Gudoomiyaha iyo G/-ku-xigeenadiisu (2) waxay noqonaysaa mid mataanaysa, waxaana ku gulaysanaaya mataanaha wareega hore hela cod ka badan kala bar tirada ergada Shirweynaha ee codeeyay.Hadii cidna ku guulaysan-waydo wareega koowaad, labada lamaane ee ugu tirada badan ayaa wareeg labaad laysku celinayaa.Waxayna ku kala baxayaan cod hal dheeri ah.

Xubnaha Golaha dhexe waxaa soo xulaya ergada Degmooyinka u fadhisa Shirweynaha, ayagoo ku salaysan saami-qaybsiga xeerka Doorashada Deegaanka, waxaana lagu ansixinayaa Shirweynaha.

QODOBKA 9aad:

HOGAANKA XISBIGA (GOBOLKA)

1.    Golaha Dhexe wuxuu ka koobanyahay       xubnood.

2.    Guddiga Joogtada ah oo ka kooban    xobnood oo laga soo dhex doortay Golaha Dhexe.

3.    Guddiga Fulinta   xubnood oo ka tirsan G/Dhexe oo kala ah:

a)  Gudoomiyaha Xisbiga

b)  Gudoomiya ku xigeenada

c)   Xoghaayaha

d)  Gudoomiyaha garabka haweenka iyo K/xugeenkeeda.

4.    Qaabdhismeedka xisbiga heer degmo iyo xeerka maamulkooda waxaa soo jeedindoona Guddiga Fulinta,waxaana ansixinaya G/Joogtada ah.

QODOBKA 10:

AWOODAHA HOGAANKA XISBIGA

Golaha Dhexe ee Xisbiga:

Golaha Dhexe ee Xisbiga waa hay’adda ugu saraysa Xisbiga mudada labada shirweyne dhexdooda, waxayna leedahay awooda hogaaminta Xisbiga iyadoo adeegsanaysa xeerka Xisbiga, fulinaysana go’aamada ka soo baxa Shirweynaha Xisbiga.

Wuxuu dabagal ku sameeyaa dhamaan hawlaha Xisbiga, wuxuuna awood u leeyahay inuu dajiyo xeer hoosaadyo iyo sharuuc, si loo fuliyo hawlaha Xisbiga. Golaha Dhexe wuxuu xilka haynayaa muddo   sanadood ah. Kal-fadhiyada Golaha dhexe waxay noqonayaan 2 sano mar.Golaha Dhexe wuxuu iska dhex dooranayaa kal- fadhigiisa kowaad Gudoomiyaha G/Dhexe iyo xubnaha Guddiga Joogtada (     xubnood) kuwaasoo qabanaya howlaha Golaha Dhexe dejiyay, inta u dhexeesa kal-fadhiyada.Wixii arrimo ah ee la soo darso Xisbiga labada kal-fadhi dhexdooda, waxaa si wadajir ah ugu go’aminaya cod hal dheeri ah labada gole Fulinta iyo Joogtada. Hadii loo baahdo kal-fadhi aan caadi ahayn ee G/Dhexe, waxaa isugu yeeri kara Gudoomiyaha Xisbiga ama 1/3 xubnaha G/joogtada.

Gudoomiyaha iyo Gudoomiya ku Xigeenada Xisbiga

a.   Gudoomiyaha Xisbiga waa hogaanka guud ee Xisbiga, waa Gudoomiyaha Guddiga Fulinta. Wuxuu jihaynayaa dhammaan howlaha Xisbiga, isagoo ka tilmaan qaadanaya go’aamada Golaha Dhexe iyo Guddiga Fulinta.

b.   Gudoomiye ku-xigeenada Xisbiga oo kala ah koowad iyo labaad, waa kaaliyaasha Gudoomiyaha, waxayna fulinayaan wixii howl ah uu u igmado Gudoomiyahu, ayadoo loo  kala qaybinayo isu-duwidda howlaha guddida fulinta. Gudoomiye ku-xigeenka kowaad wuxuu buuxinayaa kaalinta Gudoomiyaha marka uu maqan yahay.

c.    Hadii Gudoomiyaha geeri ku timaado ama howshiisa gudan kariwaayo ama is casilo waxaa xilkiisii qabanaya Gudoomiye ku xigeenka koowaad.Hadii Gudoomiye ku xigeenka kowaad ay ku timaado xaalad taas la mid ah, Gudoomiye ku xigeenka labaad ayaa kaalintiisa buuxinaya.Hadii labada Gudoomiye ku xigeenada ay ku timaado xaaladaas oo kale waa in lagu qabtaa Shirweyne Xisbi muddo saddex bilobo gudahooda ah,xubinta ugu da’weyn  Guddiga Fulinta ayaana xilka sii haynaya.

d.   Ururka wuxuu yeelanayaa Xisaabiye Guud, Khasnaji , Xoghaaye Guud iyo Af-Hayeen, WAXAANE MAGACAABAYA Gudoomiyaha Xisbiga.

e.    Guddiga Joogtada ah waxay magacaabi karaan markii loo baahdo Hanti-Dhowre madax-banaan.

QODOBKA 11:

Musharaxnimada jagada Gudoomiyaha Xisbiga

Jagada xilka Gudoomiyaha Xisbiga waxaa u tartami kara xubin kasta oo ka tirsan xisbiga, buuxisana shuruudaha ku qeexan xeer-hoosaadka Xisbiga. Gudoomiyaha Xisbiga ee waqtigaas xilka haya ama Gudoomiye ku-xigeenka, hadii uu doono inuu ka qayb qaato tartanka musharaxnimada jagada Gudoomiyaha Xisbiga, waa in uu iska casilo xilka Gudoomiyaha Xisbiga muddo 1 sano (12 bilood) ka hor. Jagada Gudoomiyanimada waxaa si haynaya, si ku-meel gaar ah Gudoomiye ku-xigeenka aan musharaxa ahayn.Hadii labada Gudoomiya ku-xigenada ay isa soo sharaxaan waxaa xilka Gudoomiyanimada ee xisbiga si ku meel gaar ah sii haynayo xubinta ay markaas soo doorato Guddiga Dhexe.

QODOBKA 12:

Anshax-marinta

Dacwada waxaa lagu qaadayaa heerka ama goobta ay ka dhacday xad-gudubku, waxaana qaadaya heerka qaab-dhimeedka ee ay markaas saamayso.Qofkii ku qanci- waaya xukunka ku dhacay waxuu xaq u leeyahay inuu jaranjarada ka saraysa taa xukuntay uu u dacwoodo,si si dib u eegis loogu sameeyo.

QODOBKA 13:

Wax ka bedelida Xeerka Xisbiga waxaa iska leh Shirweynaha Xisbiga.

FIIRO-GAAR AH:

Dhammaan hogaanka iyo howl-wadeenada Xisbiga ee waqtigaan, waxay si ku meel gaar ah u haynayaan xilal kaas inta laga gaarayo Shirweyna xiga diiwaan-gelinta.

DHAMAAD

FG: hadaba si aad ugu qeyb qaadatid dhismaha masjidka Jaamaca Baydhabo waxaad ugu hagaajin kartaa wixii qarashaad ah.

Dahabshii = D0009350
Bakaal=BA1003
Amal = 0508-04-45721-1001