Dowlada Mouritania ayaa ku qaaday mid kamid ah howl galadeedii ugu xooganaa Al qacidad galbeedka Afrika ee fadhiisinka ku leh xuduuda ay Mouritania iyo Mali wadaagaan 

Howl galka ay ciidamada Mouritania qaadeen oo ah kuwo xaagan ayaa sida ay kusoo warameen qaar ka tirsan saxafiyiinta ku sugan xuduuda labnada dal ay sheegayaan in dagaaladii haatan layskula galay gudaha Mali,iyadoona aan wax war ah kazoo bixin dowlada wadankaa MALI.

Kooxaha ay Dowlada Mouritania weerarka ku qaaday ayaa sida la  Aaminsanyahay  waxaa ay ka dambeeyeen weeraro iyo qaraxyo kala duwan oo ka dhacay dalalka kulaala Waqooyi galbeed qaarada Afrika.

Dowlada Faransiisku waxaa ay dhinaceeda sheegtay in ay Aaminsantahay in kooxda haatan la weeraray ay ka dambaysay afduubkii horay loogu gaystay Sagaal Muwaadin oo u dhashay wadankeeda,qaarkoodna weli lagu haysto wadamo ay Mali kamid tahay.

Dowlada Mali afhayeen u hadlay ayaa sheegay in dagaalku haatan uu ka socda gudaha wadankooda,gaar ahaana deegaan lagu magacaabo Hassissidi, oo 100 km dhinaca waqoyi ee gobolka Timbuktu.

Howlgalka la dagaalanka Al qacidada galbeedka Afrika ee ay haatan dowlada Mouritania qaaday ayaa u muuqda in uu yahay mid lamid ah kii ay dhowaan dowlada Aljeria ay saxaraha dalkeeda kula gashay iyagan koox sidaasi oo kale fadhiisin ku leh wadankaasi