|
|
|
| Hay'adda IIDA oo raashin u qeybisay mutadawaciin qeyb ka ah mashruuca cunto shaqo ku bedelashada
Munaasabadda qeybinta raashinkaan waxaa goob joog ka ahaa Guddoomiyaha Degmada Boondheere oo maamulka Hay'adda IIDA ku ammaanay doorka ay ka ciyaartay habsamida qeybinta raashinkaasi, waxaana goobta raashinka lagu qeybinayay si weyn u ilaalinayay ciidamada Saldhigga Boondheere ee magaalada Muqdisho.
Haweeneyda lagu magacaabo Xaawo Maaxi Maxamuud oo ka mid ah madaxda sare ee Hay'adda IIDA isla markaana goob joog ka ahayd qeybinta raashinkaasi ayaa sheegtay in IIDA ay u xilsaaran tahay fulinta mashruuca cunto shaqo ku bedelashada magaalada Muqdisho, isla markaana aanay ahayn markii ugu horeysay oo Hay'adda IIDa raashin u qeybiso mutadawaciinta nadaafadda waddooyinka magaalada Muqdisho.
Mashruuca cunto shaqo ku bedelashada oo ay waddo Hay'adda WFP, ayaa waxaa ka faa'iideystay dad ka badan 3000-Qofood, kuwaasoo si aan laalaab lahayn u helay raashin nooc kasta leh oo hay'addaasi ugu talagashay in la siiyo dadka mutadawaciinta ah kuwooda ololaha nadaafadda, waxaana xiriirinta Degmooyinka iyo diiwaan gelinta dadka nadaafadda ka qeyb qaadanaya hirgeliyay Hay'adda IIDA oo tallaabadaasi u soo hoysay ammaan loo jeediyay Hay'adaasi.
Dhinaca kale Mashruucan ay fulintiisa iska kaashadeen labada Hay'adood sida WFP iyo IIDA ayaa noqday mashruuca kaliya ee qiimaha leh oo soo maray magaalada Muqdisho, waxaana dib u soo noqday bilicda goobo fara badan oo ku yaala magaalada Muqdisho, kadib markii laga nadiifiyay qashin fara badan oo hareeyay, waxaadna arkeysaa laamiyada Muqdisho inay quruxdoodii soo noqonayaan.
Jabriil
Maxamuud Nuur (Jabra) |
| Copyright © 2006-07 Gololey--design:- Bashka |
|
|
| Top 10 songs |
|
|
| Waraysi Xiiso Badan |
| Aniga Waa La Igu Gumaystay Dhageyso
|
| Somali
links |
| |
