1877-Arday oo Imtixaanka sanadkan si rasmi ah uga socdo Dugsiga Mujamac Umal Qura Muqdisho

Arday gaareysa 1877-Arday ayaa waxaa imtixaankii sanadkan uga furmay Dugsiga Mujamac Umal Qura ee magaalada Muqdisho, waxaana ardaydan oo isugu jira Dugsiga Sare, Dugsiga Dhexe iyo Dugsiga Hoose, iyadoo ardayda sanadkan ay u noqotay sanadkii ugu wanaagsanaa, marka laga reebo labadii sano ee aynu soo dhaafnay oo magaalada Muqdisho ka jireen dagaallo sababay barakac iyo inay ardayda qaarkood fursad u heli waayaan ka qeyb galka howlaha Imtixaanaadka.

Prof. Maxamed Cosoble oo howl-wadeen ka ah Dugsiga Mujamac Umal Quraa una waramayay Weriye ka tirsan Gololey Online ayaa sheegay in imtixaanka sanadkan uu bilowday taariikhdu markay ahayd 10/05/2008, isla markaana ku eg yahay 20/05/2008, isagoo rajo wanaagsan ka muujiyay inay si wanaagsan ku soo gabagaboobayaan ardayda imtixaanaadka.

Xarunta Mujamac Umal Quraa waa xarun aad u weyn, oo leh goobo kala duwan sida xafiisyada maamulka, kan macallimiinta iyo fasallo aad u waaweyn, kuwaasoo isugu jira Dugsiyada Sare Dhexe iyo Hoose, waana tan tirada ardayda iyo qeybaha ay ka kooban yihiin darajadooda:-

1. Dugsiga sare, ardayda imtixaanka uga socdo waxay tiraado gaareysaa 547-Arday, tirada fasalkoodana waa: 10-Fasal.
2. Dugsiga dhexe, ardayda imtixaanka uga socdo waxay tiraado gaareysaa 569-Arday, tirada fasalkoodana waa: 11-Fasal.
3. Dugsiga hoose, ardayda imtixaanka uga socdo waxay tiraado gaareysaa 761-Arday, tirada fasalkoodana waa: 14-Fasal.
4. Totalka Fasallada waxay ka kooban yihiin 35-Fasal

Ardayda Dugsiga sare ee imtixaanka sanadkan ku jirta, ayaa kuwooda ku guuleysta ka qalin jebinaya Dugsigaasi, waxaana maamulaha Dugsigaasi Ustaad Carabow oo u waramayay Shabakadda Gololey Online uu sheegay inay saameyn ku yeelatay xaalada ka jirta magaalada Muqdisho, wuxuuna sheegay inay waxbarasho gefeen arday fara badan, kuwaasoo qoysaskooda ay ka barakaceen magaalada Muqdisho dagaallada goos gooska ah ee ka socda awgood, isagoo ku dheeraaday isla markaana sharraxaad dheer ka bixiyay muhiimadda ay waxbarashada u leedahay jiilka soo koraya, oo uu sheegay inay ka faa'iideystaan da'dooda isla markaana ku dadaalaan waxbarashada.

Dhinaca kale xarunta Mujamac Umal Quraa qeyb ka mid ah waxaa si KMG ah u degan Jaamacadda Muqdisho, oo iyadu qeyb ka mid ah ardaydeeda u soo rartay xarunta Waxbarashada Mujamac Umal Quraa, iyadoo ardayda Jaamacadda Muqdisho ay waxbarashadooda si caadi ah u wataan labada gelin ee maalintii, hase yeeshee ardayda ka qalin jebisa Dugsiga Mujamac Umal Quraa ayaa qaarkood hela deeq waxbarasho, sida Jaamacadaha ku yaala dalka Masar, oo arday ka baxday Umal Quraa dalkaasi Masar loogu qaaday deeq waxbarasho.

Jabriil Maxamuud Nuur (Jabra)
Xafiiska wararka Muqdisho ee Gololey Online
webmaster@gololey.com

Ku Laabo

Copyright © 2006-07 Gololey--design:- Bashka

Top 10 songs

Waraysi Xiiso Badan

Aniga Waa La Igu Gumaystay Dhageyso
 

Somali links

Boocame

Calanka

Allkheyraad

Dayniile

Somaliweyn

Horseednet

jidbaale

shabelle.net