| Weerar
lala beegsaday hoyga Xildhibaan Maxamed Qanyare iyo Ciidamo Itoobiyaan
ah oo Baydhaba ka qabqabtay dad dembiyo lagu tuhmayo
| GololeyOnline: Muqdisho, Axad
11/05/2008 |
Magaalada
Baydhaba ee gobolka Bay, waxaa maanta ka dhacay weerar ay kooxo
hubeysan ku qaadeen hoyga Xildhibaan Maxamed Qanyare Afrax, waxaana
is rasaaseyn dhex martay ilaalada Xildhibaanka iyo maleeshiyada
weerarka geysatay ayaa waxaa ku dhaawacmay laba ka mid ah ilaalada
Maxamed Qanyare, kuwaasoo dhaawacooda loo qaaday isbitaalka magaalada
Baydhaba.
Weerarka
lagu qaaday guriga Xildhibaan Maxamed Qanyare oo dhacay saakay waaberigii,
ayaa la sheegay kaddib weerarkaasi inay soo baxeen ciidamo Itoobiyaan
ah, kuwaasoo baaritaano ka sameeyay xaafadaha magaalada Baydhaba
iyo agagaaraha goobta uu qaraxu ka dhacay, iyadoo ciidmada itoobiyaanka
ahi soo qabqabteen dad dhowr ah, kuwaasoo ay kaxeysteen.
Ma
aha markii ugu horeysay oo magaalada Baydhaba ay ka dhacaan weeraro
gaadmo ah iyo qaraxyo lala beegsado mas'uuliyiinta xukuumadda Federaalka
iyo ciidamada Itoobiyaanka ah, mana jirto ilaa iyo iminka cid ka
hadashay dhacdadan, inkastoo la filayo inay Xildhibaanada Baarlamaanka
qaarkood ka hadlaan arrintan.
Xafiiska Wararka Gololey Online
Muqdisho - Soomaaliya
www.webmaster@gololey.com
Ku Laabo
|
