|
|
|
| Burcad fara ba'an ku heysa inta u dhaxeysa wadada Muqdisho iyo Jowhar
Mid ka mid ah dadka ku dhaqan tuulada u dhaxeysa Balcad iyo Jowhar oo lagu magacaabo Cabdi Xuseen Axmed, ayaa u sheegay Gololey Online in labadii maalmood ee la soo dhaafay ay kooxaha burcadda ah halkaasi ka wadeen falal isugu jira dhac iyo kufsi, iyagoo baabuur dhowr ah halkaasi ku leexsaday dabadeedna ka dhacay lacago, raashin iyo shidaal saarnaa. Dhinaca kale waxaa saakay hakad ku yimid dhammaan gawaaridii isticmaali jirtay wadada u dhaxeysa Jowhar iyo Muqdisho isla markaana uga sii gudbi jiray gobolada dhexe, inkastoo wararka qaarkood ay sheegayaan in gawaari tiro yar oo ay saaran yihiin ilaalo hubeysan ay u baqooleen gobolada dhexe iyagoo sii maraya magaalada Jowhar. Si
kastaba ha ahaatee, arrimahan ayaa ku soo beegmaya xilli magaalada
Jowhar ama gobolka Sh/dhexe aanu ka jirin maamul rasmi ah, waxaana
maalmihii la soo dhaafay Jowhar iyo nawaaxigeeda howlgalo burcadda
lagula dagaalayo ka waday ciidamo ka tirsan Maxkamadaha Islaamiga
ah, oo iyagu maalinimadii doraad ahayd degaanka Mahadaay ka fuliyay
howlgalo burcad sifeyn ah, oo ay ku soo qabqabteen burcad fara badan.
|
| Copyright © 2006-07 Gololey--design:- Bashka |
|
|
| Top 10 songs |
|
|
| Waraysi Xiiso Badan |
| Aniga Waa La Igu Gumaystay Dhageyso
|
| Somali
links |
| |
